BMT-nin nəzdindəki Beynəlxalq Turizm Təşkilatı 2015-ci ilin yekunları ilə bağlı geniş hesabat yayımlayıb.

Hesabata əsasən, Azərbaycan ötən il turizm sektoru üzrə Ümumi Daxili Məhsul istehsalında payı ən çox artan ölkələrdəndir.

Beynəlxalq Turizm Təşkilatı Azərbaycanın turzim sektorunda payının ötən il 27,3% artdığını qeydə alıb.

Bu göstərici ilə ölkəmiz ötən il ÜDM-də turizm payı 36,7% artan Uqandadan sonra dünya ikincisidir.

Eyni zamanda turizm təşkilatı dünyada ən çox ziyarətçinin səfər etdiyi ölkələrin ilk onluğunu da tərtib edib.

1. Fransa – 86,3 milyon nəfər
2. ABŞ – 77,9 milyon nəfər
3. İspaniya – 68,1 milyon nəfər
4. Çin – 56,9 milyon nəfər
5. İtaliya – 50,8 milyon nəfər
6. Türkiyə - 39,3 milyon nəfər
7. Almaniya – 35 milyon nəfər
8. Böyük Britaniya – 33,9 milyon nəfər
9. Meksika – 32,4 milyon nəfər
10. Rusiuya – 31,6 milyon nəfər
(Modern.az)