Bu gün Azərbaycan Qızıl Aypara Cəmiyyəti  Sumqayıt şəhər bölməsinin təşkilatçılığı ilə  Sumqayıt Texniki Kollecində "İnsan alverinə qarşı mübarizə” mövzusunda seminar keçirilib.
Xeberle.com-un məlumatına  seminarda kollecin müəllim və tələbə heyəti iştirak edib. Seminarı Azərbaycan Qızıl Aypara Cəmiyyəti  Sumqayıt şəhər bölməsinin təlimatçısı Gülnar Tanrıverdiyeva aparıb. 
"İnsan Alverinə Qarşı Mübarizə” mövzusuna dair hazırlanmış slaydla çıxış edən bölmənin təlimatçısı mövzunun mahiyyəti, Miqrasiya İnformasiya Mərkəzi, Miqrasiya İnformasiya Məntəqəsi, göstərilən əsas xidmətlər və bu xidmətlərin göstərilmə səbəbləri haqqında məlumat verib.
İştirakçılar  həmçinin "Kimlər insan alverinin qurbanı ola bilər?”, "İnsanları cəlbetmə yolları”,  "İnsan alverinin qurbanı olmamaq üçün təhlükəsizlik qaydaları” barədə məlumatlandırılıblar.
Tədbirdə insan alverinin törətdiyi fəsadlardan bəhs edən videoçarx nümayiş olunub.
Sonda tələbələrə maarifləndirici bukletlər və braşuralar paylanıb.