Nigar Borek

Birliyimiz gücümüzdür.

Ciddi bir sınağdan kecir məmləkətim.

Əslində bu sınaq millət olaraq xeyrimizədir.

Tək Azərbaycan deyil, Türk dünyası üçün nə qədər çətin də olsa, sonu xeyirli olacaq sınaqdan keçirik.

Adı, soyadı bizdən olan, əsirlərdir millətimiz sandığımız düşmənlər ifşa edilir.

Ən gözəli də odur ki, bunu elə düşmənlərimiz özləri edir.

Bizə isə bunu görmək üçün azacıq ağıllı olmaq düşür. İstər Azərbaycanda, istərsə də Türkiyədə özünü ‘’müxalifət’’ göstərərək hərəkətə keçib ermənilər.

Məsələn, İlham Əliyevə, ya da Ərdoğana düşmənmiş kimi görsənib, hədəf olaraq Türk milətini seçirlər.

O isə, Türk ya da millətimizi sevən kimsə bunu etməz.

Bu gün kifayət qədər tanıdığım müxalifətci dostlarım var.

Həm də, çox radikal müxalifətçidirlər.

llərdir onları tanıyıram.

Və bəzən saatlarca bərabər iqtidarı müzakirə edib, səhvlərini deyirik də.

Amma bu müxalifətçilərin içində nə əsgərə, nə şəhidə, nə də millətimizə qarşı təhqiramız ifadələr işlədənin görmədim.

Tam əksinə Türkiyənin Güney Doğusunda, ya da Azərbaycanımın işğalda olan Qarabağında döyüşlər başlayandan o insanlar ordunun və əsgərin yanında oldular.

Hələ də olmaqda davam edirlər.

Kimsə qalxıb deyə bilməz ki, İlham Əliyevə və Ərdoğana qarşı ən əert mövqede olan bir müxalifətçi, əlinə silah alıb, PKK ya da ermənilər tərəfindən Türkiyə-Azərbaycana qarşı savaşmaq istəyir.

Əksinə bunu deyənə qarşı çox sərt mövqe tutarlar. Hətta Vətən xainlərinə qarşı iqtidardan və iqtidar mövqeli insanlardan daha sərt çıxırlar.

Facebookda son günlər:- Savaş başlamasını gözləyirəm, başlayar başlamaz əlimə silah alıb, ermənilər tərəfindən iqtidara qarşı savaşacam" deyə bəyanat verənlər var.

Bəzi cahil insanlarımız bu bəyanatın arxasında nəyin durduğunu görmür, ya da görməzdən gəlir.

Hətta bu azmış kimi, bu Vətən xainlərinə dəstək olanlar da var.

O cümlədən də Türkiyədə PKK-nın və onun siyasi qanadı olan HDP-nin yanında olmasını bəhanə edən ‘’müxalifətçilər’’ var.

Guya Ərdoğana qarşıymışlar kimi görsənib Türkiyə Cumhuriyyətini satlığa çıxarıblar.

Əsgərə, polisə, bir sözlə Türkiyənin güneyindəki terrorçularla savaşanlara qarşı rəsmən düşmən olduqları ortaya qoyurlar. İstər Azərbaycanda, istərsə də Türkiyədə bu mövqeni tutanların Türk olmadığına adım kimi əminəm.

Və bu insanların düşmənlərimiz tərəfindən öyrədildiyini də çox yaxşı anlayırıq.

Həqiqi Vətənpərvərlər isə Vətənin zor günündə, iqtidarda kimin olmasından asılı olmayaraq, dövlətimizin namusu olan sərhədlərini qoruyandır.

İstər ön cəbhədə, istərsə də arxa cəbhədə bütün umu-küsüləri bir kənara qoyub ortaq düşmənə qarşı savaşandır. Necə ki, 2-6 apreldə Azərbaycanda bunu gördük.

Xalqın iradəsi qarşısında həm ordumuz dastan yazdı, həm de bizi sevməyən, hər fürsətdə saldırmağa hazırlaşan düşmən dövlətlər nə edəcəklərini bilmədilər.

O dörd günlük savaşın nəticələrindən sonra sosial şəbəkələrdə düşmənlərimiz və adı bizdən olan 30 minlik erməni gəlinlərimizin doğduğu övladlar yaman fəallaşıblar.

Bir qisimi posmodernist, bir qismi azəri, başqa bir qismi də müxalifət adıyla əsgərimizə, polismizə hücum etdilər. Buna qarşı çıxanlar da təbii ki, bunların söyüşlərindən nəsibin alır.

Bu azmış kimi, bu sapı özümüzdən olan baltalar, o dörd gündə Azərbaycanla Türkiyədən olan türklərin göstərdiyi həmrəyliyi də unutmayıblar. Artıq sosial şəbəklərdə türkiyəliymiş kimi görsənib, Azərbaycana, Azərbaycanlıymış kimi Türkiyəyə hücum edənlər də var.

Hesab edirəm ki, bütün bunlara qarşı millət olaraq ayıq olmalıyıq. Əks təqdirdə həm millət, həm də dövlət olaraq uduzan biz olacayıq.

Unutmamalıyıq ki, dünyanın tək qorxduğu şey bizim milli iradəmiz və birliyimizidr. Türk millətinin birliyi dünya üçün atom bombasından da təhlükəlidr.

Türk bir olarsa güclü olar.

Türkl güclü olarsa Dünya xilas olar.

Dünyaya ədaləti Türkün gətirəcəyini düşmənimiz bizdən daha yaxşı bilir.

Ədalətli dünyada isə nə qadın satılar, nə silah satılar, nə narkotik satılar, nə insan orqanı satılar.