Sumqayıtda aparılan abadlıq-quruculuq işləri davam etdirilir. Bir neçə ay öncə Nəriman Nərimanov küçəsində "Nizami” kinoteatrının qarşısındakı tikinti qaydalarına uyğun olmayan, inzibati, mədəni obyektlərin qarşısını kəsən obyektlər söküləndən sonra ərazidə parkın bərpası işlərinə balşanılıb. Xeberle.com məlumat verir ki, yanvar ayından başlayaraq görülən işlərə artıq yekun vurulub və ərazi əvvəlki görkləminə qaytarılıb. Kinotetarın qarşısına bütövlükdə tamet döşənib, skamyalar və zibil qutuları, həmçinin 5 ədəd yol boyu və 30 ədəd park daxili işıq dirəkləri qoyulub. Burada 10 minə qədər - betuniya, çobanyastığı, xrizantema və s. kimi müxtəlif növ güllər, min ədəd müxtəlif növ dekorativ kol və onlarla ağac, o cümlədən Kreml küknarı, palmalar əkilib. 1000 kv-metr əraziyə qazon döşənib. Ərazi bütövlükdə abadlaşdırılıb, ətraf binaların fasadı rənglənib. Yaxınlıqdakı ticarət obyektlərinin ətrafı da abadlaşdırılıb.
Qeyd edək ki, sabah sözügedən parkın açılışı olacaq; bununla bağlı konset proqramı da nəzərdə tutulub.
Xeberle.com