Sumqayıt şəhər Gənclər və İdman Baş İdarəsi tərəfindən "Sumqayıt Gənclər Evi”ndə cari ilin yanvar-aprel aylarında elan olunan könüllülük fəaliyyətində uğurla iştirak etmiş gənclərin təltifat mərasimi keçirilib.

Mərasimdə Sumqayıt Gənclər Evində könüllülük fəaliyyətini sona çatdırmış gənclərlə yanaşı, fəaliyyətə yeni cəlb olunan gənclər, müxtəlif sahələri təmisl edən ictimai – fəal gənclər də iştirak edib.

Tədbirdə çıxış edənlər Baş İdarə və Gənclər Evinin əməkdaşları əsası Ümummilli Lider Heydər Əliyev tərəfindən qoyulan və prezident İlham Əliyev tərəfindən uğurla davam etdirilən dövlət gənclər siyasətindən, gənclərə göstərilən qayğıdan və yaradılan şəraitdən danışıb, iştirakçılara fəaliyyətlərində uğurlar arzulayıblar.

Bədii hissədə könüllülərin hazırladığı rəqs nümunələri nümayiş olunub, maraqlı intelektual oyunlar keçirilib.

Sonda Sumqayıt Gənclər Evinin fəaliyyətində könüllü olaraq uğurla iştirak etmiş 10 nəfər fəal gəncə Baş İdarənin könüllülük Sertifikatları təqdim olunub.