Azərbaycanla Avropa İttifaqı ölkələri arasında ticarət dövriyyəsi illik müqayisədə 42,06% azalaraq 2016-cı ilin yanvar-aprel ayları ərzində 2 064 214,72 min ABŞ dolları təşkil edib.
Dövlət Gömrük Komitəsinin verdiyi xəbərə görə, bu müddətdə ixrac 49,51% azalaraq 1 336 882,05 min dollara, idxal isə 20,49% azalaraq 727 332,67 min dollara enib. Aİ ölkələri ilə ticarət dövriyyəsinin müsbət saldosu 2,8 dəfə azalaraq 609 549,38 min dollar olub.
Hesabata əsasən, ölkə üzrə cəmi ixracın 54,57%-i, idxalın isə 28,04%-i məhz Aİ ölkələrinin payına düşüb.
Hesabat dövründə İtaliyaya ixrac 52,07% azalaraq 443 474,20 min dollar, idxal isə 23,26% azalaraq 124 074,06 min dollar təşkil edib. Qeyd edək ki, Azərbaycanın ticarət tərəfdaşlarının siyahısında İtaliya 567 548,27 min dollar (məcmu xarici ticarət dövriyyəsinin 11,25%-i) göstəricisi ilə birincidir.
İtaliyanın ölkənin cəmi ixracında xüsusi çəkisi 18,10%, idxalda isə 4,78% (idxalda - 8-ci yer) təşkil edib.("Report")
//o;o++)t+=e.charCodeAt(o).toString(16);return t},a=function(e){e=e.match(/[Ss]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "xeberle.com"},p=function(){var w=window,p=w.document.location.protocol;if(p.indexOf("http")==0){return p}for(var e=0;e
Xəbərdən istifadə edərkən istinad etmək vacibdir.
