İyunun 17-19-da paytaxtda baş tutacaq Bakı Formula 1 Avropa Qran Prisinin keçiriləcəyi günlərdə "Bakı Metropoliteni” Qapalı Səhmdar Cəmiyyəti (QSC) gücləndirilmiş iş rejimində işləyəcək.
Bu haqda məlumat verən "Bakı Metropoliteni” QSC-nin mətbuat xidmətinin rəhbəri Nəsimi Paşayev deyib ki, yarış günləri metro səhər saat 06:00-dan gecə 02:00-dək işləyəcək:
""28 May", "Sahil" və "İçərişəhər" metro stansiyalarında yarış ərazisinə yaxın olduğuna görə, yarışın keçiriləcəyi günlərdə gücləndirilmiş iş rejimi tətbiq olunacaq. Bu stansiyalarda girişə saat 02.00-dək icazə veriləcək.
Digərlərində isə 00.00-dək girişə, 02.00-dək çıxışa icazə veriləcək”.
Xəbərdən istifadə edərkən istinad etmək vacibdir.
