"Şəhidlər ölməzdir, vətən bölünməz"dir deyiblər ulu babalarımızdan bu yana. Bəli, həqiqətən də şəhidlər vətənin bölünməzliyi uğrunda, ölkənin suverenliyi yolunda canlarından keçdikləri üçün unudulmurlar, bu torpaqda yaşayanların da onları unutmağa heç bir mənəvi haqları yoxdur. Təxminən 3 həftə öncə - o qanlı gecədə 9 əsgərimiz şəhid olanda onların arasında 19 yaşlı Sumqayıt sakini Hüseyn Abdulov da vardı. Həmin vaxt olay mediada, ictimaiyyət arasında haqlı olaraq geniş şəkildə işıqlandırıldı, təbliğ olundu. Amma getdikcə istər istəməz bu hadisə arxa plana keçir, amma demirik ki, unudulur. Bu istər istəməz gündəmin dəyişməsi ilə də bağlıdır. Şəhidlərimizin hər zaman öndə, vacib, həyatiəhəmiyyətli bir məsələ olduğunu, bunun hər zaman gündəmdə qalmalı olduğunu nəzərə alaraq Xeberle.com şəhidin cümə günündən hazırladığı özəl videoları və fotoları təqdim edir.
Bu videolarda H.Abdulovun anasının müsahibəsi, şəhidin yas mərasimi və qəbir üstü ziyarəti əks olunub. 

Hazırladı: Türkan Heydərli