Dövlət himninin səsləndirilməsi ilə başlayan tədbirdə dövlət və hökumət təmsilçiləri, Milli Məclisin deputatları, diplomatik korpusların nümayəndələri, aparıcı yerli və xarici kütləvi informasiya vasitələrinin rəhbərləri və müsabiqədə qalib olmuş jurnalistlər iştirak ediblər. Fondun icraçı direktoru Vüqar Səfərli Fondun 22 iyul - Milli Mətbuat Günü günü münasibətilə keçirdiyi fərdi jurnalist yazıları müsabiqəsinin nəticələri barədə məlumat verərək bildirib ki, müsabiqəyə 70 kütləvi informasiya vasitəsindən 167 yazı daxil olub. Yazılar 12 ekspert tərəfindən qiymətləndirilib, Müşahidə Şurasının qərarı əsasında daha yüksək bal toplamış 114 nəfər jurnalist qalib elan edilib: "Müsabiqənini çərtlərinə əsasən, hər istiqamət üzrə 6 mükafat nəzərdə tutulub. Birinci yer üçün bir, ikinci yer üçün iki, üçüncü yer üçün üç qalib müəyyənləşdirilib. Ümumilikdə qaliblərin sayı 114 nəfərdir. Birinci yerin sahibi 500, ikinci yeri tutanlar 400, üçüncü yerə layiq görülən jurnalistlər 300 manat məbləğində mükafatla təltif ediliblər.

Birinci yerin qalibləri arasında Sumqayıt şəhər sakini Məmmədov Namiq(Namiq Məmmədli) Məmməd oğlu da var. O, Ermənistan-Azərbaycan, Dağlıq Qarabağ münaqişəsi haqqında həqiqətlərin dünya ictimaiyyətinə çatdırılması, Azərbaycanın ədalətli mövqeyinin müdafiə edilməsi mövzusunda yazı yazıb. Mükafatı qalibə Azərtacın baş direktoru Aslan Aslanov təqdim edib. Məmmədov Namiq Məmməd oğlu 1967-ci ildə Sumqayıt şəhərində anadan olub. Bakı Dövlət Universitetinin filologiya fakültəsini fərqlənmə diplomu ilə bitirib. 1994-cü ildə Sumqayıt şəhər 4nömrəli orta məktəbdə dil-ədəbiyyat müəllimi işləyib. 1996-cı ildə "Şərq” qəzetinin müxbiir olub. 1997-ci ildəbu günə kimi "Ekspress” qəzetinin müxbiridir. Həmçinin "Sabaha inamla qəzetinin təsisçisi və baş redaktorudur. "Qızıl qələm” və bir çox media mükafatlarının laureatıdır.

Qeyd edək ki, Namiq Məmmədli bu mükafata qədər Ermənistan-Azərbaycan, Dağlıq Qarabağ münaqişəsi haqqında həqiqətlərin dünya ictimaiyyətinə çatdırılması, Azərbaycanın ədalətli mövqeyinin müdafiə edilməsi mövzusunda 2014-cü ildə 1-ci, 2015-ci ildə isə 2-3-cü yerlərin qalibi olub.

Xeberle.com olaraq həmkarımızı təbrik edir və gələcək fəaliyyətində yeni uğurlar arzu edirik.