"ASAN xidmət" mərkəzlərində vətəndaşlara göstərilən kommunal xidmətlərin həcminin artırılması gözlənilir.

 Movqe.az-a bu barədə məlumatı "ASAN xidmət" Vətəndaşlara Xidmət və Sosial İnnovasiyalar üzrə Dövlət Agentliyinin ictimaiyyətlə əlaqələr üzrə məsul şəxsi Anar Hüseynov verib. A. Hüseynov bildirib ki, hazırda kommunal sektorda xidmət göstərən qurumların bəzilərinin müştəri xidmətləri "ASAN xidmət" mərkəzlərində təmsil olunur: 

"Hazırda 4 "ASAN xidmət"mərkəzindən 3-də "Azəriqaz" İB və "Azərsu" ASC öz abunəçilərinə bəzi müştəri xidmətlərinin göstərir. "Bakıelektrikşəbəkə" ASC-nin isə müştəri xidmətləri yalnız bir"ASAN xidmət" mərkəzində -4 saylı "ASAN xidmət" də var.

 İstehlakçılara göstərilən müştəri xidmətlərinin asanlaşdırılması və bu sahədə şəffaflığın təmin edilməsi məqsədi ilə kommunal sektorda xidmət göstərən qurumlarla hazırda danışıqlar aparılır ki, onlar öz abunəçilərinə göstərdikləri müştəri xidmətləri ilə "ASAN xidmət" mərkəzlərində təmsil olunsunlar. Yəqin ki, ilin sonunadək kommunal sektorda xidmət göstərən qurumlarların müştəri xidmətlərinin daha çox xidmətlərlə "ASAN xidmət"lərdə fəaliyyətinə başlanılacaq".