Rusiyada keçirilən "Tank Biatlonu” yarışlarında Azərbaycan hərçiləri öz qrupunda ən yaxşı nəticə göstərərək birinci yer tutub
Xeberle.com Azvision.az-a istinadən xəbər verir ki, ümumilikdə yarışda 17 ölkədən 51 tank heyəti iştirak edib. 
Məlumata əsasən yarış iştirakçıları Rusiya tərəfindən onlara təqdim olunan Т-72B3 tanklarında yarışırlar. Bazar günün keçirilən mərhələ yarışlarında Venesuela, Tacikistan, Zimbabve və Azərbaycandan olan tankçılar öz məharətlərini göstəriblər. 
Yarışda Azərbaycanı Məftun İbrahimov, Rəşad Atakişiyev və Umar Ömərov təmsil edir. 
Tank biatlonu tank ekipajları arasında sürücülük ustalığı və tankın silahlanmasında olan atəş vasitələrində dəqiq atışma üzrə yarışmadır.
Tank biatlonu NATO ölkələri arasında 1963-1991-ci illərdə keçirilib.
2013-cü ildən Rusiyanın təşəbbüsü ilə tank biatlonu yenidən beynəlxalq formatda Rusiyada keçirilir. İlkin olaraq tank biatlonunda Rusiya, Belarus, Qazaxıstan və Ermənistan komandaları iştirak edirdi. Növbəti illərdən iştirakçı ölkələrin sayı artır.
Qeyd edək ki, tank biatlonu üzrə yarışların final mərhələsi avqustun 13-ü keçiriləcək. 

Xəbərdən istifadə edərkən istinad etmək vacibdir.