Yay mövsümü başlayandan bu günə qədər Bakı şəhəri Təcili və Təxirə Salınmaz Tibbi yardım Stansiyasına günvurma ilə bağlı 51 müraciət daxil olub.
Bu sözləri AzVision.az-a açıqlamasında Bakı şəhər Təcili və Təxirəsalınmaz Tibbi Yardım Stansiyasının baş həkiminin müavini İradə Əliyeva məlumat verib. O qeyd edib ki, onlara müraciət edənlərdən 17 nəfəri xəstəxanaya yerləşdirilib.
"34 nəfər isə yerində yardım göstərilb. Başgicəllənmə, qızdırma, halsızlıq, təzyiq düşməsi və hərarət halları ilə bağlı çoxlu müraciətlər olur. Uşaqlar arasında isə əsasən burundan qangəlmə müşahidə edilir. Mövsüm ərzində bizə müraciət edən xəstələrdən 11-i uşaqlardır. Xəstəxanaya yerləşdirilənlərdən isə 4-ü uşaqdır”.
Qeyd edək ki, son günlər ölkədə qızmar hava müşahidə edilir. Havanın tenmperaturunun sabah 41-43 dərəcəyədək yüksələcəyi bildirilir.
Xəbərdən istifadə edərkən istinad etmək vacibdir.
