«Azərikimya» İstehsalat Birliyinin kollektivi xalqımızın və bütün İslam dünyasının müqəddəs bayramlarından olan Qurban bayramı ərəfəsində uzun illər Birliyin idarə və müəssisələrində çalışaraq təqaüdə çıxmış veteran kimyaçılar, həmçinin Əlil Qadınlar Cəmiyyəti Sumqayıt şəhər təşkilatının, respublika Gözdən Əlillər Cəmiyyətinin Sumqayıt şəhər şöbəsinin, Əlillərin Beynəlxalq Əməkdaşlığı uğrunda Cəmiyyətinin, Müharibə, Əmək, Silahlı Qüvvələr Veteranları Şurasının və Qızıl Aypara Cəmiyyəti Sumqayıt şəhər bölməsinin qeydiyyatında olan üzvlərlə görüşmüşdür. Görüşdə veteran kimyaçıların və əlillərin yaşayış tərzi, ailə-məişət qayğıları ilə maraqlanılmış, onların arzu və istəkləri dinlənilmişdir.
Bayram münasibətilə «Azərikimya» İB tərəfindən 1000 nəfərə yaxın veteran-kimyaçıya, imkansız ailələrə və yuxarıda adları çəkilən cəmiyyətlərin üzvlərinə qurban sovqatı paylanılmışdır.
 

 

 

 

 

 

Xəbərdən istifadə edərkən istinad etmək vacibdir.