«Azərikimya» İstehsalat Birliyinin struktur bölmələrində
2016-cı ilin ilk payız iməciliyi keçirilib.
Birliydən Xeberle.com-a verilən məlumata görə, 20 sentyabr – neftçilərin peşə bayramına həsr
olunmuş iməcilikdə Etilen-polietilen zavodundan, Təmir-tikinti idarəsindən və Birliyin İdarəetmə aparatından ümumilikdə 500
nəfər əməkdaş iştirak edib.
İməcilik zamanı Etilen-polietilen zavodunun və Təmir-tikinti
İdarəsinin daxili ərazilərində, həmçinin Səməd Vurğun küçəsində təmizlik-abadlıq
işləri aparılıb, əvvəlki iməciliklərdə əkilmiş ağaclara aqrotexniki qulluq
göstərilib, dibləri bellənilib, sahələr alaq otlarından təmizlənib.
İməcilik
zamanı paralel olaraq Etilen-polietilen zavodunun Qaz və maye
karbohidrogenlərin qazlaşdırılması, sıxılması və saxlanılması sahəsinin
yaşıllıq zonası üçün ayrılmış ərazisində 300 ədəd müxtəlif növ ağac əkilib.
Sumqayıtın sənaye zonasında ekoloji mühitin
yaxşılaşdırılmasına və yaşıllıqların artırılmasına xidmət edən iməciliklərin
payız mövsümü boyu davam etdirilməsi nəzərdə tutulub.
Xəbərdən istifadə edərkən istinad etmək vacibdir.
