“Xeberle.com” saytı xəbər verir ki, ki, Sumqayıt şəhər 9-cu mikrorayon sakinlərindən biri xeyirxah addım atıb.

Belə ki, ötən gün  9-cu mikrorayon ərazisində Səkinə Şirinova adlı sakin oğlu Kərim Şirinovun yas mərasimini keçirib. Yas mərasimi üçün əvvəlcədən ərzaq tədarükü görülsə də, məhəllə ağsaqqalları və din adamlarının son zamanlar israfçılıqla bağlı səsləndirdiyi fikir və tövsiyələri müsbət qarşılayan ana Səkinə Şirinova ərzaq tədarükünü Saray qəsəbəsində yerləşən 7 saylı xüsusi qayğıya ehtiyac duyan uşaqlar üçün internat məktəbinə bağışlayıb.

Oğlunu itirən ana bunu etməklə az da olsa, mənəvi rahatlıq tapdığını bildirib.