Salam...
"Salam" sözünün qədim tarixi var. Amma hər şey də salamdan başlayır.

Allah bu Bilqeysin atasına rəhmet eləsin, internetdən hər qız tutan oğlan gərək ona Quran oxutdursun… Hə, Quran demişkən, qismət olsa, əttökən padxodlardan sağ qalma ehtimalımın aşağı faiz olmasından, özümə gəlim, sizə Quran ayələriylə qız tutan dindar, kantsaqqal qaqaşlardan da yazacam… İnşəallah.

Bu gün qadınların durumunu özümüz hamıdan yaxşı bilirik. Danılmaz faktdır. Fərqi yoxdur, dindar qadın, ya deist, ya da ateist qadın... Qadına qarşı zorakılıq hər sahədə var.

Gələk əsas məsələyə - "Padxod”a -  istər ictimai yerlər, istər iş yerləri, məkan baxımından bu siyahını uzatmaq mümkündür...

Müşahidəçi kimi bəzən şəhərə enirəm. Baxırsan ki, pəhh, bir qardaş atasının "halal" pulla aldığı cipdən boylanaraq bəyirir:
“…bilirsən də, qağa, nömrəmi dəyişmişəm – 9876543 (simi, cini, narı) hansını ürəyin istəsə, vızov atarsan...

Birtəhər soxulursan keçidə, aha, tərəzi qoyulub çəkini ölçmək üçün, qadınsan da, istər-istəməz kilon səni maraqlandırır. Tərəziyə ayağını qoymamış qıraqdakı "şən klounlar" başlayır: “…gözəl qız, sən onsuz da gözəlsən!”

Burdan canını qutarıb girdin “Torqovıy”a, pəhh budur haa, "duxun" var normal yolunu get...

Avtovağzaldan düşən kimi... “Torqovıy”a qaçan gədələr, qışqırışa-qışqırışa gəzirlər qız görən kimi:

-         - Oy binə.., əsgərlikdə öyrəndikləri sağa dön komandasını boy sırasıyla alırlar...

Gələk iş yərlərinə;

Gedirsən iş yerinə.

-         - Müəlliməliyi qurtarmısan?

-         - Hə.

Oturub gədənin biri üzündən, çox ətəyinə baxır..

-         - Nə əcəb müəllimə işlələmirsən?

-         - Maaş azdır.

- Hə, baxarıq, ara-sıra çay-zad verəsən, ikiqat maaş verərəm... (sürtülmüş gülür)

Gəl 2 diplomla "eşşəy"in qabağında katibə işlə də...

İctimai nəqliyyatdan istifadə etmədiyimdən oradan məlumatsızam... Amma deyirlər orda da möhtəşəm padxodlar olurmuş.

Nərədən gəldi bizimkilərə bu padxod ruhu?!

Bəlkə Avropadan gəldi?

Ya bazarlarda satılan Amerikanski badımcanlardan, pomidorlardan? Yox axı kasıb təbəqənin bu GMO-lu tərəvəzləri alıb yemə imkanı o dərəcədə də yoxdur?!

Elan verilir, iş axtarılır - boy hündür rusdili olsun, yaraşıqlı olsun. Ay qardaş, burdan rus dilini ləğv edirsən, burdan da rusdilli axtarırsan?!

Bunu padxodun mədəni bölümünə aid ediblər, yəqin ki...

Sosial şəbəkə padxodları...

Yormayım səni, hörmətli oxucu.

Sevinc Əlizadə
Xeberle.com