Təlimi giriş sözü ilə təşkilatın rəhbəri Zenfira Mustafayeva açaraq ilk növbədə layihənin məqsəd və məramı haqqında məlumat verib. Çıxışçı təlimin məqsədinin gənc nəslin insan alveri haqqında, gəncləri insan alveri qurbanına çevirə biləcək faktorlar barədə məlumatlandırmaq olduğunu söyləyib. Təlimdə ekspert qismində Azərbaycan Respublikasının Əmək və Əhalinin Sosial Müdafiə Nazirliyinin İnsan alverinə qarşı mübarizə Mərkəznin rəhbəri Nəzakət Xudiyeva çıxış edib. Ekspert iştirakçılara insan alveri  nədir və qabaqlayıcı tədbirlər nələrdən ibarətdir, həmçinin insan alverinə qarşı mübarizə haqqında qanunvericilik toplusu barədə məlumat verib. Ekspert, həmçinin  insan alveri qurbanları kimlər ola bilər,  əhali arasında maarifləndirmənin aparılma üsulları, insan   alveri qurbanlarının sosial reablitasiyası və onların müdafiəsi, insan alveri qurbanlarının reinteqrasiyası haqqında iştirakçıları maarifləndirib.

Ekspert insan alveri qurbanı olmuş şəxslərin normal həyat tərzinə qaytarılmasında psixoloqların, hüquqşunasların, sosial işçilərin rolundan geniş danışıb, göstərilən xidmətlərin sayının və keyfiyyətinin artırılmasının vacibliyini bildirib. Vurğulanıb ki, məhz buna görə qurbanların cəmiyyətə reinteqrasiyasında maarifləndirmə və sosial dəstək önəmlidir.  

 

Təlimin ekperti həmçinin qurbanlar üçün yardım mərkəzləri və sığınacaqlar haqqında geniş məlumat verib.