Sumqayıt Dövlət Universitetinin (SDU) Heydər Əliyev Mərkəzində "Multikulturalizm humanist dəyərlərlərə sevgidir” mövzusunda tədbir keçirilib.
Tədbiri humanitar məsələlər üzrə prorektor, dosent Nizami Namazov açıb. Bildirilib ki, Azərbaycanda uzun illərdən bəri dədə-babalarımızdan bizə miras qalmış milli mənəvi dəyərlərə, dövlət və din münasibətlərinə xüsusi həssaslıqla yanaşılır. N.Namazov multikultural dəyərlərin dövlət siyasəti olduğunu, bu siyasətin əsasının ümummilli lider Heydər Əliyev tərəfindən qoyulduğunu vurğulayıb.
Çıxışlarda respublikamızda insan hüquq və azadlıqlarının bərqərar olmasına, milli mənəvi dəyərlərimizin qorunmasına və tolerantlıq ənənələrinin möhkəmləndirilməsinə böyük önəm verildiyi vurğulanıb. Həmçinin qeyd olunub ki, bu siyasətin həyata keçirilməsində ictimai təşkilat kimi Heydər Əliyev Fondunun da dövlətimizə böyük əməli dəstəyi var.

Xəbərdən istifadə edərkən istinad etmək vacibdir.