Azərbaycan mətbəxinə yeni bir yemək növü əlavə olundu - Sumqayıt dolması. Reseptin ideya müəllifi həkim Hümbət Quliyevdir. O, deyir ki, Sumqayıt dolmasını digər təamlardan fərqləndirən cəhət inqredientlərin əvvəlcə üzüm, daha sonra isə kələm yarpağına bükülməsidir. Yeməyin spesifik xüsusiyyətləri də var. Onun ölçüsü elə olmalıdır ki, bir dəfəyə tam şəkildə ağıza rahatlıqla yerləşə bilsin. Bütöv yeyildikdə yarpaq və kələmin təkrarolunmaz ləzzəti ortaya çıxır. Bundan əlavə orqanizməki 4 qrup reseptor eyni anda hərəkətə başlayır ki, bu da ağızda dad partlayışı effektin yaradır. Yemək əllə və ya qaşıqla yeyilməli, çəngəl və bıçaqdan istifadə olunmamalıdır. Dolma yeyiləndə şirəsi də ağız boşluğunda sıxılmalıdır.  Atalarımız  yaxşı deyib  "dadlı söz dinlədər, dadsız söz əsnədər, dadlı yemək isə insana böyük ləzzət verməklə, ona xoş sima, gülər üz bəxş edər”. Sumqayıt dolması bu ilin iyul ayında Azərbaycanda keçirilən birinci beynəlxalq dolma festivalında gümüş medala layiq görülüb.
RAMİL ZEYNALLI

 

Xəbərdən istifadə edərkən istinad etmək vacibdir.