Sumqayıt şəhərində "Ekoloji nəqliyyat – Sağlam həyat” velo-yürüşü təşkil edilib. Çinar Bayramovun "Ekoloji nəqliyyat – Sağlam həyat” layihəsi Azərbaycan Respublikasının Prezidenti yanında Gənclər Fondunun maliyyə dəstəyi, "Sağlam Düşüncə” Gənclər Təşkilatı, "Təbiət Dostları” Gənclər Təşkilatı və Sumqayıt şəhər Gənclər və İdman Baş İdarəsinin təşkilatı dəstəyi ilə təşkil edilən yürüşün məqsədi
velosipedi Sumqayıt gəncləri arasında ekoloji nəqliyyat vasitəsi kimi təbliğ etməkdir.
Noyabrın 12-də Heydər Əliyev parkından start götürən və Nəsimi parkında yekunlaşan velo-yürüşdə Bakıdan və Sumayıtdan 50-yə yaxın həvəskar velosipedçi iştirak edib. Yürüş şəhərin mərkəzi küçələrindən və Dənizkənarı bulvardan keçməklə 10 km-lik marşrutu əhatə edib. Yürüşdə velosipedin ekoloji nəqliyyat vasitəsi kimi təbliğ etmək üçün yürüş iştirakçıları kampaniyanın şuarı əks edilmiş köynəklərlə təmin ediliblər. Yürüşün təhlükəsizliyi Sumqayıt Şəhər Polis İdarəsi tərəfindən nəzarətə götürülüb. xatırladaq ki, bu, Sumqayıt şəhərində həvəskar velosipedçilərin iştirakı ilə təşkil edilən sayca yeddinci velo-yürüşdür. Yürüş sakinlərin də böyük diqqət və marağına səbəb olub.
Qeyd edək ki, Çinar Bayramovun fərdi layihəsi çərçivəsində eyni zamanda gənclər üçün velo-təlimlər də təşkil edilib.
Xəbərdən istifadə edərkən istinad etmək vacibdir.
