Həyatda çox yollar var.Tale yönümlü bu yolların, cığırların qovuşaraq birgə və yaxud
ayrı-ayrılıqda son mənzilə çatacaq qəribə, müəmmalı, müxtəlif həyat tərzləri var. Bu yollardan biri və müqəddəsi
də ölməzliyə, şəhidliyə aparan yoldur. Bu yolun yolçusu olmaq üçün ən ümdəsi, gərək
damarlarında döyüşkən ulu babalarının saf qan daşıcıyıları ola. O
toxumlar, o
hüceyrələr min ilin yolçusu ola. Bu mütləqdir! Biz bir şəhid ,aprel döyüşlərində qəhramancasına
həlak olmuş, N
saylı hərbi
hissədə Qərargah rəisi kapitan Nəcməddin Savalanov haqqında kiçik bir sənədli
film hazırlamaq qənaətinə gəldik.
Azərbaycan
Prezidenti Yanında Qeyri-Hökumət Təşkilatlarına Dövlət Dəstəyi Şurası layihə çərçivəsində
bizi dəstəklədi. Beləliklə biz şəhid Savalanovun izi ilə onun dünyasına aparan
yolun sorağına çıxdıq. Balası 3 yaşlı Amiddən tutmuş anasınadək, qızları Leyla
və Nuraydan başlamış, məktəbdən, eldən-obadan, dostlarından, hərbi ali məktəbdən,
korpusdan, qərargah rəisi olduğu hərbi-hissədən, aprel döyüşləri zamanı
silahdaşlarından, şəhid Savalanovu sorduq, onun dünyasını axtardıq. Anasından 3
yaşlı nəvəsinə əlləriylə hərbi forma hazırladığını, atalarının nəşi üzərində
kiçik yaşlı uşaqların Vətən və Bayraq şerlərinin ifasında vətən sevgisini
duyduq. Anası Nəcməddinin iç dünyasından danışdı, qarışıq yuxularından söhbət
açdı.Yuxularında Xocalı soyqrımından, snayperə tuş gəlmiş şəhidlərimizin
ruhundan ,mənim də şəhidliyimə hazır olun deməsini eşitdik. Beləcə addım-addım
Nəcməddinin ruhunun arxasınca getdik.Yatdığı çarpayılara uzandıq,iş otağında, tədris
mərkəzində, hərbi hissənin hər bir guşəsində onu duyduq, aradıq, hiss etdik və
silahdaşlarından Nəcməddin haqqında rəvayətlərə bənzər igidlik və vətən
sevgisinin şahidi olduq.
Allah sənə
və bütün şəhidlərimizə rəhmət eləsin!
İnanırıq
ki,amalı uğrunda vuruşaraq şəhid olduğunuz bu torpaqlar azad olunacaq. Çəkdiyimiz
kiçik bu sənədli film,gələcəkdə böyük bədii filmin yaranacağına yol açacaqdır. Son
tamamlama işləri gedir.
Dekabrın
1-də filmin Şuraya təqdim edilməsi nəzərdə tutulur.
Xəbərdən istifadə edərkən istinad etmək vacibdir.