Bir müddət əvvəl fəaliyyətinə müəyyən qədər ara verən Sumqayıt Media Klubu (SMK) yenidən öz işinə başlayıb. Belə ki, ötən gün SMK-nın bir qrup üzvünün iştirakı ilə toplantı keçirilib.

Sumqayıtlı jurnalistlərdən ibarət klubun budəfəki toplantısında cari məsələlərlə yanaşı, qarşıdakı dövrdə görüləcək işlər müzakirə olunub. Yığıncaq iştirakçıları Sumqayıtın hazırkı problemləri barədə fikir mübadiləsi aparıblar, problemlərin həllinin sürətləndirilməsi üçün bir sıra tədbirlərin həyata keçirilməsi barədə qərarlar qəbul olunub.

Onu da qeyd edək ki, qarşıdakı günlərdə SMK-nin fəaliyyət başlamasının bir ili tamam olub. Qurumun bir illik fəaliyyəti ilə bağlı növbəti toplantıda hesabat verilməsi planlaşdırılır.

 Xeberle.com