Bir sıra mətbuat orqanında Sumqayıtda jurnalistin həbs olunması və döydürülməsi ilə bağlı xəbər yayılıb. Jurnalistin həbsində Sumqayıt şəhər İcra Hakimiyyəti baçşısının adı hallandırılır. Bu barədə məlumatı tanınmış vəkil Elçin Sadıqov verib. O söyləyib ki, Sumqayıt Şəhər Məhkəməsinin 25 noyabr 2016-cı il tarixli hökmü ilə realliq.info internet informasiya portalının baş redaktoru Rəhimov İkram Rafiq oğlu və vəzifəli şəxslərin qanunsuzluqlarından dövlət orqanlarına şikayət edən, şikayətləri düzgün araşdırılmadığından jurnalistə müraciət edib məsələni ictimailəşdirən Novruzov Rəhman Salman oğlu CM-nin 147.2-ci (ağır və xüsusilə ağır cinayətdə ittiham etməklə böhtan atma) maddəsi ilə təqsirli bilinərək hər ikisi bir il müddətinə azadlıqdan məhrum etmə cəzasına məhkum edilib.
Xeberle.com məlumat verir ki, məsələ ilə bağlı Unikal.org-a danışan Zakir Fərəcov deyib ki, elə bir jurnalist tanımır: "Mənim adımın bu kimi məsələlərdə hallandırılması tamamilə yanlışdır. Jurnalistin həbsini mənim adımla bağlamaq düzgün deyil. Ümumiyyətlə jurnalistin həbsi ilə bağlı yazılanlar tamamilə cəfəngiyyatdır. Mənim jurnalistlərə hörmətim var”.

Xəbərdən istifadə edərkən istinad etmək vacibdir.