"Azəriqaz” İstehsalat Birliyi (İB) "smart” tipli sayğaclarda balansın artırılmasına limit tətbiq edib.
"Azəriqaz” İB-nin İctimaiyyətlə əlaqələr şöbəsinin rəisi İbrahim Kərbəlayev açıqlamasında bunu təsdiqləyib.
Qurum rəsmisi bildirib ki, aylıq limitin məbləği 200 manat təşkil edir. Bununla yanaşı, İ.Kərbəlayev qeyd edib ki, limit müvəqqəti xarakter daşıyır.
"Əhali abonentləri tərəfindən 1 ay müddətində istehlak olunan təbii qazın maksimal həcmi hesablanıb və 200 manat məbləğində limit tətbiq olunub.
Bunun səbəbi ilin sonunadək proqram təminatında yenilənmənin aparılmasıdır. Gələn ilin yanvar ayının 1-dən etibarən limit aradan qaldırılacaq. Limitin tətbiq olunmasına səbəb, həmçinin Tarif Şurasının müvafiq qərarından yayınma hallarının qarşısını almaqdır”, - deyə o bildirib.(APA)
Xəbərdən istifadə edərkən istinad etmək vacibdir.