Azərbaycan Respublikasının Prezidenti İlham Əliyev dekabrın 12-də Fəxri xiyabana gələrək müasir müstəqil Azərbaycan dövlətinin memarı və qurucusu, xalqımızın ümummilli lideri Heydər Əliyevin anım günü münasibəti ilə ulu öndərin məzarını ziyarət edərək xatirəsini ehtiramla yad edib.
Dövlət başçısı Ulu öndərin məzarın önünə əklil qoyub. Azərbaycan Respublikasının dövlət himni səslənib.
Sonra prezident İlham Əliyev akademik Zərifə Əliyevanın, eləcə də görkəmli dövlət xadim Əziz Əliyevin və görkəmli alim Tamerlan Əliyevin məzarlarını ziyarət edib.
Məzarların önünə əklillər, gül dəstələri qoyulub.
Anım günü münasibəti ilə dövlət və hökumət rəsmiləri Ulu öndərin məzarını ziyarət edirlər.(AzVision.az)
Xəbərdən istifadə edərkən istinad etmək vacibdir.
