Azərbaycanda buğdanın idxalı və satışı 3 il müddətinə ƏDV-dən azad ediləcək.
Bunu Milli Məclisin İqtisadi siyasət, sənaye və sahibkarlıq komitəsinin iclasında vergilər naziri Fazil Məmmədov deyib.
Nazirin sözlərinə görə, bununla bağlı Vergi Məcəlləsinə dəyişikliyin edilməsi təklif olunur.
F.Məmmədov bildirib ki, qanun layihəsində buğdanın idxalı və satışı ilə yanaşı buğda unu və çörəyin istehsalı və satışının da 3 il müddətinə ƏDV-dən azad edilməsi nəzərdə tutulur.
Nazir vurğulayıb ki, Azərbaycanda quş ətinin satışı da 3 il müddətinə ƏDV-dən azad ediləcək.(AzVision.az)
Xəbərdən istifadə edərkən istinad etmək vacibdir.
