Rusiya onun qanunlarını pozduğuna görə 1 milyon xarici vətəndaşın ölkəyə girişinə qadağa qoyub.

Virtualaz.org saytı “İTAR-TASS”a istinadən xəbər verir ki, bu barədə jurnalistlərə sentyabrın 23-də Rusiya Federal Miqrasiya Xidmətinin rəhbəri Konstantin Romodanovski məlumat verib.

 “Bu gün 90 min xarici vətəndaşın Rusiyaya girişinə qadağa qoyulub. Təbii ki, bizim ölkəyə gələn miqrantların sayına görə MDB ölkələri liderlik edir. Bunlar Özbəkistan (təxminən 40 faiz), Tacikistan - 20 faizədək, Qırğızıstan və Azərbaycandır” - deyə K.Romodanovski bildirib.

 FMX rəhbəri daha sonra deyib: “Biz bu il Orta Asiyadan gələn kütləvi miqrant axınının qarşısını almışıq. Girişin miqrantlar üçün bağlanması Rusiya ərazisində qeyri-qanuni əmək fəaliyyətinin həyata keçirilməsi və qanunsuz miqrasiyanın qarşısının səmərəli şəkildə alınması yönündə özünü yaxşı göstərdi”.