Qədim tarixi olan qəhvənin dövrümüzə qədər gəlib çatan müxtəlif hazırlanma üsulları var.
Qəhvə insanların hər gün içdiyi içkilərdən biridir. Qədim tarixi olan qəhvənin dövrümüzə qədər gəlib çatan müxtəlif hazırlanma üsulları var. Hər xalq özünə məxsus şəkildə qəhvəni hazırlayıb içir. Yorğunluğu çıxarıb, insanı gümrahlaşdırdığı üçün iş yerində, dərs oxuyan zaman və s. hallarda qəhvədən istifadə edir.

Bu gün  sizlərə Şərq sayağı qəhvə dəmləmək qaydasını təqdim edir.

Lazım olanlar:

4 çay qaşığı üyüdülmüş qəhvə
2 kəllə qənd

Üyüdülmüş 4 qaşıq qəhvəni cezvəyə (qəhvə hazırlama üçün qab) tökün və üzərinə qəndləri əlavə edin. Qabı lazım olan qədər su ilə doldurub, yaxşıca qarışdırın. Odun üzərinə qoyub, köpük yaranana qədər tez-tez qarışdırmağa davam edin. Köpük yarandıqda tez 1-2 dəqiqəlik odun üzərindən götürün.Yenidən cezvəni odun üzərinə qaytarın qaynayana qədər saxlayıb, götürün (qaynatmayın). Köpüyün yatmasına imkan verin və odun üzərinə qaytarıb, yenidən qaynayana qədər saxlayın.



Şərq qəhvəsinin hazırlanmasının əsas incəliyi odur ki, qəhvə qaynama vəziyyətinə 3 dəfə gəlsin amma heç birində əsla qaynamasın.Yəni hər dəfə köpük əmələ gələn kimi oddan götürüb, köpük ennəndən sonra odun üzərinə qaytarmaq lazımdır.Yaxşı bir Şərq qəhvəsi hazırlamaq istəyirsinizsə buna çox diqqətli yanaşmalısınız.



Fincanlara süzməzdən əvvəl hər fincanın dibinə köpükdən bir qədər əlavə edin. Qəhvəni yanında su ilə servis edə bilərsiniz. Nuş olsun.(ans press)