Layihənin əsas məqsədi Sumqayıt şəhərində yeniyetmə və gənclər arasında sağlam həyat tərzinin təbliği istiqamətində kampaniya təşkil etmək, onların sağlam qidalanma, zərərli vərdişlərin və qeyri-sağlam həyat tərzinin fəsadları haqqında məlumatlandırmaqdı. Layihə çərçivəsində həmyaşıddan-həmyaşıda metodundan istifadə edilərək yeniyetmə və gənclər üçün təlimlər, seminarlar və debatlar təşkil edilib. İlk olaraq Sumqayıt şəhərlərindən 25 nəfər gənc cəlb olunaraq Quba rayonunda noyabr ayında 2 günlük "Təlimçilər üçün Təlim” proqramı həyata keçirilib. Təlim müddətində gənclərə zərərli vərdişlərin insana və cəmiyyətə təsiri, sağlam qida və sağlam həyat tərzinin üstünlükləri və həyatımızdakı rolu haqqında təlim proqramı, həmçinin gənc təlimçilərə auditoriya ilə iş və təlimçilik baçarıqları ilə əlaqəda təlim təşkil ediləcək. İkinci mərhələdə gənc təlimçilər tərəfindən noyabr-dekabr ayı ərzində Sumqayıt şəhərinin orta təhsil müəssisələrində seminarlar və məlumat sessiyaları təşkil edilib.
Bununla yanaşı, "Sağlam Yaşa” layihəsinin üçüncü mərhələsi olaraq
Sumqayıt şəhərində məktəblər arası Debat Natiqlik turniri təşkil edilib. Turnirdə iştirak edən 100-ə yaxın məktəbli "Sağlam həyat tərzini təmin etmək üçün
zərərverici ərzaqların reklamına qadağa qoyulmalıdır” mövzusunu müzakirə ediblər.
Turnirdə Sumqayıt şəhər 11 nömrəli tam orta məktəbin ev sahibliyi ilə maraqlı, rəngarəng,
gərgin keçən debatlar baş tutub.
Xəbərdən istifadə edərkən istinad etmək vacibdir.
