Azərbaycanda qan xərçəngindən əziyyət çəkən azyaşlı qıza yardım edilib. NV - Lyuks təmir tikinti şirkətinin rəhbəri Nəzakət xanım Aşurbəyovanın təşəbbüsüylə “Təmiz Dünya”  QY.İB-nin İctimaiyyətlə əlaqələr departamentinin rəisi Vasif Akifli Zaqatalada qan xərçəngindən əziyyət çəkən 5 yaşlı balaca Aysuya baş çəkiblər.

 20 sentyabr tarixində olan görüş zamanı uşağın hazırkı vəziyyəti ilə yaxından tanış olaraq artıq Aysunun bundan sonrakı müalicəsinə gərəkli olan bütün dərman preparatlarının NV-Lyuks şirkətnin rəhbəri Nəzakət Aşurbəyova tərəfindən ödəniləcəyi dəqiqləşib.Bununla yanaşı, həkimə qədər olan müddət ərzində Aysunun ehtiyaclarının ödənməsi üçün müəyyən miqdarda maddi yardımı da valideynlərinə təqdim edilib.

Aysunu ən çox sevindirən Nəzakət xanımın ona göndərdiyi yeni geyimlər və oyuncaqlar olub.

Vasif Akifli isə Aysunun təhsil alması və digər uşaqlar kimi oxuyub maariflənməsi üçün bundan sonra onun bütün təhsil xərclərini öz üzərinə götürüb.

 Xeberle.com olaraq öz növbəmizdə Aysuya və ailəsinə səbr diləyirik və tez bir zamanda şəfa tapacağına ümid edirik.