Sumqayıtda Xeberle.com saytı ("Xəbərlə”
MMC) və "168 saat” qəzetinin təşkilatçılığı ilə "Sumqayıt şəhəri və
yaxın regionlarda insan alverinə qarşı mübarizə sahəsində ictimai dəstəyin gücləndirilməsinə
yönəlmiş tədbirlər” layihəsi çərçivəsində "İnsan alveri ilə mübarizədə media
işçilərin rolu-hüquqi aspektlər” mövzusunda təlim keçirilib.
Bu layihə ABŞ
Dövlət Departamentinin maliyyə dəstəyi ilə Beynəlxalq Miqrasiya Təşkilatının Azərbaycandakı
Nümayəndəliyi tərəfindən həyata keçirilən "Azərbaycanda potensialların
artırılması və texniki dəstək vasitəsilə insan alverinə qarşı mübarizənin səmərəliyi
üçün əməkdaşlığın gücləndirilməsi – IV Faza” Layihəsi çərçivəsində reallaşıb.
KİV təmsilçilərinin
iştirak etdiyi təlimdə "Xeberle.com” saytının redaktoru, layihə rəhbəri
Ramil Zeynallı layihənin mahiyyəti, məqsədləri barədə iştirakçılara ətraflı məlumat
verib. O, təlimin əsas məqsədinin insan
alveri ilə mübarizə sahəsində jurnalistlərin maarifləndirilməsi, onların insan
alveri qurbanları və potensial qurbanlarla aparılan müsahibələrin hüquqi tərəfləri
haqqında məlumat vermək olduğunu
bildirib.
Təlimdə ekspert
qismində hüquqşunas Ruslan Mustafazadə iştirak edib.
Ekspert Ruslan Mustafazadə iştirakçılara ilk
öncə insan alveri ilə mübarizəyə dair qanunvericilik toplusu,bu
qanunvericiliyin tətbiqi haqqında geniş məlumat verib.
Ruslan Mustafazadə insan alveri qurbanlarının
hüquqları və onlar haqqında məlumat yayımlayarkən KİV nümayəndələrinin
hansı qaydalara riayət etməli olduqları,
jurnalistlər tərəfindən qurbanın məxfiliyi qorunmadıqda hansı məsuliyyətə cəlb
olunacaqları barədə danışıb.
Təlim zamanı
ekspert mövzuya uyğun olaraq yerli və beynəlxalq təcrübələrdən örnək gətirib.
İnteraktiv formatda keçirilən təlimdə iştirakşılar
tərəfindən verilən suallar geniş cavablandırılıb.
Təlim zamanı 2 qısametrajlı film göstərilib, hər
bir iştirakçı təlim materialları ilə təmin edilib.
Sonda təlimin
qiymətləndirilməsinə dair sorğu keçirilib.
Xəbərdən istifadə edərkən istinad etmək vacibdir.
