Sumqayıtın Şəhidlər xiyabanına aparan əsas küçə və prospektlərində nəqliyyatın hərəkəti məhdudlaşdırılacaq.
Sumqayıt şəhər Dövlət Yol Polisi İdarəsindən Xeberle.com-a verilən məlumata görə, 20 Yanvar faciəsinin 27-ci ildönümü ilə əlaqədar olaraq Şəhidlər Xiyabanına gələn ziyarətçilərin təhlükəsizliyi təmin etmək məqsədilə yanvarın 20-i saat 08:00-dan 14:00-a - mərasim başa çatanadək Cəfər Cabbarlı küçəsinin Nəriman Nərimanov küçəsi ilə, Səməd Vurğun küçəsinin Sülh və CƏlil Məmmədquluzadə küçələri ilə kəsişməsindən - Şəhidlər xiyabanı istiqamətinə bütün nəqliyyat vasitələrinin hərəkəti məhdudlaşdırılacaq.
Sumqayıt şəhər Dövlət Yol Polisi İdarəsi sürücüləri həmin gün şəxsi nəqliyyat vasitələrindən mümkün qədər az istifadə etməyə, alternativ yollara üstünlük verməyə çağırır.
Xəbərdən istifadə edərkən istinad etmək vacibdir.
