“Son 10 il ərzində ölkədə 566 insan alveri və 14 məcburi əmək faktı müəyyən edilib”.

Bu sözləri Axar.az-a açıqlamasında “Qadın təşəbbüsü və sosial problemlərin həllinə yardım” İctimai Birliyinin sədri Zemfira Mustafayeva insan alveri ilə bağlı son statistik göstəricilər haqda məlumat verərkən  deyib.

“Bu əməllərə görə 385 nəfər cinayət məsuliyyətinə cəlb olunub, 5 mütəşəkkil dəstə saxlanılaraq 152 cinayətkar qrup zərərsizləşdirilib. İnsan alverinin qurbanı olan 529 şəxsin cəmiyyətə reinterqrasiyası təmin edilib. Müəyyən olunan qurbanlara daha çox Türkiyə, Birləşmiş Ərəb Əmirlikləri, Rusiya Federasiyası və İran İslam Respublikasında rast gəlinib. Bunlardan yalnız 5 nəfər insan ölkə daxilində istismara məruz qalıb”.

Xatırladaq ki, hazırda insan alveri qurbanlarına və potensial qurbanlara, zorakılığa məruz qalmış qadınlara psixoloji, hüquqi və sosial yardımlar  göstərilir.