Sumqayıtda Qurd dərəsi massivində yaşayan sakinlər 17 saylı marşrut avtobusunun fəaliyyətindən - daha konkret onun qrafikindən şikayətçidirlər. Onlar deyirlər ki, qeyri-münasib, nataraz qrafikin nəticəsində əziyyət çəkir, ən azı yarım saatdan bir gələn avtobusda sıxlıq şəraitində mənzil başına çatmalı olurlar. Şikayətçilərin sözlərinə görə bağlar ərazisinə 16 və 18 və 19 saylı avtobuslar da işləyirlər. Lakin bu nəqliyyat marşrutlarında belə problemlər baş vermir. Çünki onların qrafiki - intervalı dəqiq və sıxdır. Sakinlər deyirlər ki, sanki 17 saylı marşrutun sürücüləri də xəttə digər sürücünün daxil olmaısını əngəlləyir və bununla daha çox qazanmaq məqsədi güdürlər. Nəticədə isə əziyyəti bu yolla daim hərəkət edən sərnişinlər çəkməli olurlar. Qarlı, şaxtalı havalarda, habelə qaranlıq düşəndə, pik saatlarında isə vəziyyət daha acınacaqlı xarakter alır. Vətəndaşlar uzun müddət yollarda qalıb 17 saylı avtobusu gözləyirlər. Sakinlər problemlə bağlı əlaqədar qurumlardan kömək istəyirlər. Onlar bu avtobusun heç olmasa 15 dəqiqə intervalında çalışmasını arzu edirlər. 
Xeberle.com
Redaksiyadan: Xatırladaq ki, Qurd dərəsi adlı yaşayış massivi son illərdə sürətlə böyüməkdədir. Burada digər bağ massivlərindən daha çox sakin yaşayır. Biz də ümidvarıq ki, əlaqədar qurumlar tezliklə məsələnin həlli istiqamətində konkret tədbir görəcəklər.

Xəbərdən istifadə edərkən istinad etmək vacibdir.