2008-2009-cu illərə qədər 41-41a, 43, 45, 111, 14 və s. kimi qanuni avtobus marşrutları fəaliyyət göstərirdi. Bu marşrut xətlərindəki avtobuslar normal da işləyirdi, rahat qrafiki ilə seçilən avtobuslar idi . 2009-cu ildən etibarən bu marşrut xətlərinin bəziləri ləğv edildi. Ancaq 14 nömrəli Bakı-Sumqayıt marşrut xəttinin fəaliyyət göstərməsinə icazə verildi. Lakin buna baxmayaraq Bakı - Sumqayıt marşrut xətlərindən də kənar, qanunsuz fəaliyyət göstərən avtobus xətləri də fəaliyyətə başladı.

2009-cu ildən bu günə qədər də Dövlət Yol Polisi və Dövlət Avtomobil Nəqliyyat Xidmətinin işçiləri dəfələrlə mütəmadi reydlər keçirmələrinə, cərimə yazılmalarına baxmayaraq hələ də davam etdirirdilər. Martın 9-u səhər saatlarında baş verən məlum dəhşətli qəza 6 tələbənin ölümü və 20-dən çox tələbənin yaralanması ilə nəticələndi. Bu, onu göstərir ki, qanunsuz sərnişindaşıma xidməti açıq-aşkar "iş başındadır”.

Deməli, qanunsuz sərnişindaşıma xidmətinə tam ciddi şəkildə nəzarət olunmalıdır. Müvafiq qurumlar tərəfindən aparılan reydlər zamanı dəfələrlə sərnişinlərə də xəbərdarlıq edilməsinə baxmayaraq, onlar da öz məsuliyyətlərini dərk etməyərək öz istədikləri kimi də kiçik tutumlu mikroavtobuslardan rahat şəkildə istifadə edirlər. Mən bu mövzuda yekun nöqtəmi qoyaraq deyirəm.

Əziz sərnişinlər! Bakı - Sumqayıt xətti üzrə qanunsuz fəaliyyət göstərən kiçik tutumlu mikroavtobuslardan istifadə etməyin. Həyatınız təhlükə altındadır. Əksinə Bakı - Sumqayıt xətti üzrə fəaliyyət göstərən qanuni - 501,503 və 504 saylı marşrutlardan istifadə etmək tövsiyə olunur.