Bildiyimiz kimi son zamanlar şəhərimizdəki bəzi marşrut xəttinə aid avtobuslar yenilənib. Lakin avtobusların yeniləri ilə əvəzlənməsi sürüclərin nəqliyyat vasitələrini dayanacaqdan kənar saxlamalarına əngəl ola bilməyib. Bundan əlavə şəhər sakinlərini maraqlandıran digər məsələ avtobusların nə zaman kart sisteminə keçməsidir. Bu və ya digər məsələlərlə bağlı Sumqayıt şəhər İcra Hakimiyyəti başçısının tabeliyində "Sumqayıt Nəqliyyat” MMC-yə müraciət etdik. Qurumdan Xeberle.com-a bildirdilər ki, avtobus sürücülərinin bu qanunsuz hərəkətləri onlara da məlumdur. Hazırda qaydaları pozan sürücülərə qarşı cəza tədbirləri planı hazırlanır. Bundan əlavə bildirildi ki, kart sisteminə keçidlə bağlı danışıqlar aparılır. Əgər şəhərimizin nəqliyyatında bu sistemə keçid baş tutarsa, sürücülərin avtobusları dayanacaqdan kənar saxlamaları kimi problemlər də birmənalı olaraq həll olunacaq. 

Elnarə Salamova

Xeberle.com

Xəbərdən istifadə edərkən istinad etmək vacibdir.