Son günlər Sumqayıt sakinləri dəmiryol vağzalından 17-ci və 18-ci mikrorayonlara hərəkət edən nəqliyyat vasitəsinin yoxluğundan şikayətlənirlər. Sakinlərin sözlərinə görə bu istiqamətdə avtobusların yoxluğu dəmiryol vağzalına getmək istəyənlər üçün çətinlik yaradır. Xeberle.com əməkdaşları məsələ ilə əlaqədar Sumqayıt şəhər İcra Hakimiyyəti başçısının tabeliyində "Sumqayıt Nəqliyyat” MMC ilə əlaqə saxladılar. Qurumdan bildirildi ki, hazırda dəmiryol vağzalından adıçəkilən mikrorayonlar istiqamətində 10A və 25 nömrəli marşrut avtobusları fəaliyyət göstərir. Bir müddət əvvəl 7A marşrut avtobusları da həmin istiqamətdə fəaliyyət göstərirdi. Hazırda onların fəaliyyət göstərməməsinə səbəb isə avtobusların yenisi ilə əvəz olunmasıdır. Belə ki, həmin istiqamətdə yarmarkanın yerləşməsi nisbətən iritutumlu olan yeni avtobusların fəaliyyətini çətinləşdirir və buna görə də onların göstərilən mikrorayon istiqamətlərində fəaliyyəti dayandırılıb.
Elnarə Salamova
Xeberle.com

Xəbərdən istifadə edərkən istinad etmək vacibdir.