Bu ilin fevral ayında prezident İlham Əliyev Nəqliyyat, Rabitə və Yüksək Texnologiyalar Nazirliyinin yaradılması haqqında sərəncam imzalayıb.
Sərəncama əsasən, Nəqliyyat Nazirliyi, Rabitə və Yüksək Texnologiyalar Nazirliyinə birləşdirilərək onların əsasında Nəqliyyat, Rabitə və Yüksək Texnologiyalar Nazirliyi formalaşdırılıb.
Nazirlər Kabinetinə Nəqliyyat, Rabitə və Yüksək Texnologiyalar Nazirliyi haqqında Əsasnamənin layihəsini, habelə nazirliyin strukturu və işçilərinin ümumi say həddi barədə təkliflərini iki ay müddətində hazırlayıb prezidentə təqdim etmək tapşırılıb.
Xeberle.com xəbər verir ki,Nəqliyat, Rabitə və Yüksək Texnologiyalar Nazirliyindən Modern.az-a verilən məlumata görə iki nazirliyin birləşdirilməsi prosesi davam edir.
"Nəqliyyat Nazirliyinin Rabitə və Yüksək Texnologiyalar Nazirliyinə birləşdirilməsi istiqamətində hüquqi prosedur aparılır, əsasnamə hazırlanır. İki nazirliyin birləşdirilməsi ilə bağlı yaradılmış komissiya öz işini davam etdirir”.
Nazirlikdən birləşdirdirmə prosesinin uzanmasına belə cavab verilib.
"Bir çoxları prosesin uzandığı qənaətindədirlər. Halbuki, bütün işlər öz axarı ilə gedir”.
Xatırladaq ki, keçmiş Nəqliyyat Nazirliyinin ləğvindən sonra quruma rəhbərlik etmiş eks-nazir Ziya Məmmədova yeni vəzifə verilməyib.
Xəbərdən istifadə edərkən istinad etmək vacibdir.