Sumqayıt şəhərində az bir müddətdə çox işlər görülüb, infrastruktur layihələri həyata keçirilib və keçirilməkdədir. Prezident İlham Əliyevin də "möcüzə” adlandırığı Sumqayıt bulvarını isə xüsusilə qeyd etmək lazımdır. Bulvarda insanların istirahəti üçün əlverişli şərait yaradılıb, əyləncə məkanları, attraksionlar var, habelə müxtəlif kafe və restoranlar fəaliyyət göstərir. Amma onların sırasında bir "əmma” da var burda. O isə bulvarda fəaliyyət göstərən "Sweet restoran"ı ilə bağlıdır. Şəhər sakini Ömər Xıdırovun da Xeberle.com-a ünvanladığı şikayət məktubunda sözügedən restorana dair narazılıqlar öz əksini tapıb. Ö.Xıdırov məktubunda qeyd edir ki, burada elə ab-hava var ki, insan həmin məkana gəlməyinə peşman olur: "Burda elə qayda-qanun yaradıblar ki, bura gələn bir də gəlmək istəmir. Axşam saatlarında burada çay içə bilməzsən. Çünki çay saat 17:00-a qədər verilir. Axşam isə ancaq burada yemək yeyə bilərsən. Wi-Fi parolunu əldə etmək isə müşkül məsələyə çevrilib. Ofisiant buna cavab olaraq bildirir ki, Wi-Fi ancaq müdiriyyət üçündür. Görünən odur ki, burada müştəriləri hələ çox sürpriz gözləyir. Bu restorana qonaq aparmağıma peşman etdilər məni.”Şəhər sakini həmçinin qeyd edir ki, belə hallar olarsa, Sumqayıtı turizm mərkəzinə çevirmək mümkün deyil: "Belə xidmətləmi şəhərimizə turist cəlb etmək istəyirik. Turist ora bir də gələrmi heç?! Ölkəmizdə turizm sektorunun inkişafı müvafiq qurumlar tərəfindən həyata keçirilir. Amma belə addımlar görülən işlərə kölgə sala bilər.”
Qarşı tərəfin də mövqeyini də işıqlandıra bilərik.
Xeberle.com

Xəbərdən istifadə edərkən istinad etmək vacibdir.