Demokratik Jurnalistlər Liqası Azərbaycan Respublikasının Prezidenti yanında QHT-lərə Dövlət Dəstəyi Şurasının maliyyə dəstəyi ilə "Etik normalar, milli mənəvi dəyərlərimiz yeni media müstəvisində - ictimai müzakirələr” mövzusunda layihənin icrasına başlayıb.
Xeberle.com-un Lent.az-a istinadən məlumatına görə, layihə çərçivəsində tanınmış QHT və yeni media nümayəndələrinin, ekspertlərin iştirakı ilə ictimai müzakirələr təşkil ediləcək. Layihə dövründə "Aprel döyüşləri müasir hərb tariximizdə yeni səhifədir”, "Milli qəhrəmanlarımız, şəhidlərimiz dövlət atributlarımız kimi milli dəyərdir” mövzularına həsr edilən ictimai müzakirələr "Səs” onlayn telekalanında hazırlanaraq yayımlanacaq və həmin televiziya verilişləri Youtube-da, digər sosial şəbəkələrdə yerləşdiriləcək. Eyni zamanda Fasebook sosial şəbəkəsində ötən layihələrdə yaradılan "Dövlətimizi qoruyaq və təbliğ edək” səhifəsində mövzu ilə bağlı ictimai forumlar təşkil ediləcək.
Layihənin məqsədi vətəndaş cəmiyyətini narahat edən, etik normalar və milli – mənəvi dəyərlərimizin qorunmasına dair mövzular üzrə müxtəlif ictimai müzakirələr təşkil etməkdir.
Xəbərdən istifadə edərkən istinad etmək vacibdir.
