Azərbaycanda 400 minə yaxın fiziki məhdudiyyətli insan yaşayır. Onların əksəriyyəti cəmiyyətə inteqrasiya edərək, aktiv həyat tərzi seçməklə "biz də varıq" deməyi bacarır. Onlardan biri də 2014-cü ildən oymaçı-rəssam kimi çalışan Asif Qasımovdur. Peşəkar şəkildə oymaçılıq ilə məşğul olan müsahibim bu gün Azərbaycan mədəniyyətinin təbliğində mühüm işlər görür. I qrup əlil Samir İmanov isə kitab yazmağı sevir. Deyir ki, məqsədi cəmiyyətin diqqətini bu qəbildən olan insanlara yönəltmək və onları yaşayıb-yaratmağa stimullaşdırmaqdır. Yeri gəlmişkən, Sumqayıtda əlilliyi olan insanların əl işlərindən ibarət sərgi təşkil olunub. Burada onların rəssamlıq, toxuma, ağac üzərində oyma və xalçaçılıq sahəsində yaratdıqları əsərlər nümayiş olunub.

Xəbərdən istifadə edərkən istinad etmək vacibdir.