Sumqayıt Polis İdarəsinin Dövlət Yol Polisi şöbəsinin əməkdaşları "Təmiz hava" aylığı çərçivəsində reyd keçirib. 40-a yaxın nəqliyyat vasitəsinə baxış olub. Ekologiya və Təbii Sərvətlər Nazirliyi ilə birgə reallaşdırılan reyd zamanı texniki cəhətdən nasaz və atmosferi çirkləndirən avtomobillərin sürücülərinə 50 manatlıq cərimə protokolu yazılıb.
Saxlanılan bəzi avtomobillərdə ixrac etdiyi dəm qazının normadan artıq olduğu müəyyən edilib.Avqustun 1-dən 31-dək Daxili İşlər Nazirliyi Baş Dövlət Yol Polisi İdarəsi Ekologiya və Təbii Sərvətlər Nazirliyi ilə birgə respublika ərazisində "Təmiz hava" aylığı keçirir. Əsas məqsəd atmosfer çirklənməsinin qarşısını almaqdır.
Xəbərdən istifadə edərkən istinad etmək vacibdir.
