Sumqayıtda yanğın hadisəsi olub. 43-cü məhəllə, Ağa Quliyev küçəsi - Sumqayıt Dövlət Universitetinin arxasında məcburi köçkünlərin yaşadığı yataqxananın əvvəlcə 3-cü mərtəbəsində yanğın baş verib. Hadisə zamanı 114 ailənin yaşadığı binadan 40 nəfər təxliyyə olunub. Onlardan 8-i yerli, qalanı isə məcburi köçkün ailələrindən olub. Yanğın yerində olan əməkdaşımızın verdiyi məlumata görə hadisə zamanı yataqxana sakinləri arasında xəsarət alanlar və zəhərlənənlər olub. 5 sakin Sumqayıt şəhər 1 saylı Təcili Tibbi Xəstaxanasına yerləşdirilib. Daha 5 nəfər də səhhətində yaranan problemlərə görə, sonradan özləri xəstəxanaya müraciət ediblər. Əraziyə FHN-nin çox sayda yanğınsöndürən maşını cəlb olunub. Xeberle.com-un məlumatına görə, artıq yanğının qarşısı alınıb. Xoşbəxtlikdən ölən olmayıb.
Xəbərdən istifadə edərkən istinad etmək vacibdir.
