"Qarabağ Əlilləri və Veteranları” İctimai Birliyi, Azərbaycan Respublikasının Prezidenti yanında Qeyri Hökumət Təşkilatlarına Dövlət Dəstəyi Şurasının maliyyə dəstəyi ilə "Qarabağ müharibəsi iştirakçılarının tibbi və sosial xidmətlərə çıxış imkanlarının monitorinqi” adlı layihəni 5 (beş) ay müddətinə, 01aprel – 31 avqust 2017-ci il tarixədək həyata keçirir.
Xeberle.com Bilik.Az-a istinadən xəbər verir ki, layihənin icra planında nəzərdə tutulmuş yekun III turu 29-30 iyul 2017-ci il tarixdə İsmayıllı rayonunda keçirildi. İsmayıllı rayonununda tur zamanı məkanında təbiətin qoynunda gəzintilər oldu. Hətda I qrup əlil üzvümüz ərazidə və otaqda əlverişli şəraitdə əl arabasında olmaqla rahat hərəkət edə bildi.
İsmayıllı rayonunun "Qız Qalası” otelində istirahət zamanı Qarabağ müharibəsi iştirakçıları olan əlil-veteranlar üçün 10 nəfər müharibə iştirakçısı və 4 əlavə işçi (Layihənin rəhbəri, tibb işçisi, kameraman, sürücü) qrupa daxil olmaqla, bir gecə oteldə qalmaq, iki gün ərzində isə hər bir gün üçün üç dəfə yemək, çayla təmin olundular. Tur zamanı rayonun 5 əlil-veteran üzvü qonağımız oldu və bizi İsmayıllı rayonunun digər məkanına qonaq apardılar.
Layihənin yüksək səviyyədə keçirilməsində Azərbaycan Respublikasının Prezidenti İ.Əliyev cənablarına, Qeyri Hökumət Təşkilatlarına Dövlət Dəstəyi Şurasının rəhbəri A.Quliyev cənaba, Katibliyin direktoru F.Qurbanov cənaba və kollektivə, müharibə iştirakçılarına daima olan diqqət-qayğılarına, ayrılmış maliyyə dəstəyinə görə Birliyin rəhbərliyi, coxsaylı əlil-veteran üzvləri adından ehtiram və təşəkkürümüzü bildiririk.
Xəbərdən istifadə edərkən istinad etmək vacibdir.
