Qubadlı rayonunun əhalisinin sayı açıqlanıb.

 Qubadlı Rayon Statistika İdarəsindən Xeberle.com-a verilən məlumata görə, ilin birinci yarısının statistik göstəricilərinə görə, rayon üzrə əhalinin sayı 37323 nəfərdir. Keçən ilin I yarısı ilə müqayisədə 509 nəfər, yəni 1,4 % artım olub. Qeyd olunub ki, əhalinin 18335 nəfəri və ya 49 %-i kişilər, 18988 nəfəri, yəni 51 %-i qadınlardır. Əhalinin 6828 nəfəri və ya 18 %-i şəhər əhalisi, 30495 nəfəri, yəni 82 %-i isə kənd əhalisidir. Rayon əhalisinin 13729 nəfəri və ya 37 %-i respublikanın 38 müxtəlif şəhər və rayonunda məskunlaşıb. Əhalinin 23594 nəfəri, yəni 63 %-i Sumqayıt şəhərində məcburi köçkün kimi yaşayır.