Sumqayıt şəhər Heydər Əliyev prospekti, 21-ci məhəllə 33/14,18, 16a/19 saylı binanın sakinləri Xeberle.com-un redaksiyasına müraciət edərək şikayətlərini bildiriblər.

     Vətəndaşların dediklərinə görə, məhəllədə olan problemlərlə bağlı cənab Prezidentə və Vitse - prezidentə şikayət ərizəsi ilə müraciət ediblər. Ərizələri baxılması üçün yerli icra hakimiyyəti orqanına göndərilib və qurum tərəfindən şikayətlərinə rəsmi olaraq heç bir cavab verilməyib. Şikayətlər əsasən binanın dam örtüyü, asfaltsız yollar, qazanxananın (katelni) quraşdırılmaması, uşaq bağçasının olmasına rəğmən istifadəsiz qalması və istismara veilməməsi, məhəllənin uzun illər təmirsiz qalması və abadlaşdırılmamasına görə tamamilə görkəmsiz bir hala düşməsi, təhsil aldıqları məktəblər uşaqlardan bina bloklarının təmir olunması üçün pul vəsaiti toplasa da, heç bir təmir işinin aparılmaması ilə bağlı olub. Sakinlər may ayının sonundan etibarən üçüncü dəfədir ki, ərizə ilə müraciət etmələrinə və vətəndaşların bu ərizələri öz imzaları ilə təsdiq etmələrinə baxmayaraq onların şikayətləri cavabsız qalıb.

     Xeberle.com olaraq məsələ ilə bağlı Sumqayıt şəhər İcra  Hakimiyyətinin münasibətini öyrəndik. Sözügedən qurumdan verilən məlumata görə, sakinlərin bu şikayətləri onların da nəzərindədir və yaxın zamanda bu barədə müvafiq tədbirlər görüləcək. Bildirildi ki, Sumqayıtda qısa müddət ərzində 400-ə yaxın binada dam örtüyü yenilənib və 21-ci məhəllədəki problem də yaxın müddət ərzində öz həllini tapacaq.

    Xatırladaq ki, Vətəndaşların müraciətləri haqqında Azərbaycan Respublikasının Qanununun 10-cu maddəsinə əsasən müraciətlərə ən geci 15 iş günü, əlavə öyrənilmə və yoxlanılma tələb edən müraciətlərə isə ən geci 30 iş günü müddətində baxılmalıdır.

    Şikayət ərizələrini olduğu kimi sizə təqdim edirik: