Bugünlərdə Xeberle.com olaraq ağır epilepsiya xəstəsi olan Samirə Qasımova və 12 yaşlı övladının acınacaqlı vəziyyətini işıqlandırmışdıq.

Qeyd etmişdik ki, S.Qasımova rütubətli evdə yaşamaqla bərabər, yeməyə çörək pulu da tapmır. Evində isə nə televizor, nə də ki, soyuducu var. Lakin bu gün xanım redaksiyamızla əlaqə saxlayaraq yardımsevər bir şəxsin onlara soyuducu və televizor hədiyyə etdiyini bildirib. Xanım saytımız vasitəsilə ona kömək edən şəxslərə öz minnətdarlığını bildirib Samirə xanımın artıq tək istəyi bu rütbətli, pis qoxuyan, fərli qapısı belə olmayan kiçik daxmadan çıxmaqdır. Üstəlik o, burada kirayə qalır və 100 AZN məbləğində kirayə haqqı ödəyir. İndi ananın ən böyük arzusu balası ilə birgə xəstəliyini daha da artıran bu evdən çıxmaqdır. İnanırıq ki, daha bir nəcib azərbaycanlı bu ananın müraciətini eşidərək ona kömək edəcək.