Xaçmazın Qaraçay çayının ətrafı sel nəticəsində yararsız vəziyyətə düşüb.

Bağlar, ağaclar, biçənəklərlə birlikdə 3-4 kəndi birləşdirən körpü də yararsız hala gəlib. Çayın ətrafında olan ərazi sahibləri isə bundan şikayət edir, onlara kömək edilməsini istəyirlər. Bununla bağlı Xaçmazın, Qaraçay-Cek kəndindən olan Namik Asifoğlu Azərbaycan Respublikasının Ekologiya və Təbii Sərvətlər Nazirliyinə ərizə ilə müraicət edib.

Xeberle.com ərizəni olduğu kimi təqdim edir:

Azərbaycan Respublikasının Ekologiya və Təbii Sərvətlər Naziri cənab H.Bağırova Xaçmaz rayon, Qaraçay-Cek kənd sakini Namik Asifoğlu tərəfindən Ərizə - müraciətnamə Cənab, Nazir! Yazıb sizə bildirirəm ki, sentyabr ayının 7-si axşamı 8-nə keçən gün (2017-ci il) bizim kəndə güclü yağış yağdı. Həmin gün Qaraçay-Cek kəndindən keçən Qaraçay çayına güclü sel gəldi və bu sel nəticəsində kəndimizi su basdı. Bəzi evlərin həyətyanı sahələri, bağları, ağacları, biçənəkləri, yonca sahələri, pomidor sahələri, fındıq-gilas sahələri (Qaraçay çayına yaxın ərazilər), həmçinin yolları - su altında qaldı. Mənim də Qaraçay çayı yaxınlığında biçənəkdə fındıq-gilas bağım var ( 70 sot-1 hektara yaxın). Bir də ki, 40 ədəd bağlanmış ot tayım. Bu sel nəticəsində fındıq-gilas ağaclarım və ot taylarım sel, lil-qum altında qaldılar. 3-4 kəndi birləşdirən körpü də tamamilə ortadan çökərək tamam yararsız hala düşüb və bu kəndlər ilə əlaqələr, gediş-gəliş tamamilə kəsilib. Həmçinin 8-i günü ARB telekanalından çəkiliş gəlmişdi, FHN-nin Xaçmaz Regional briqadası da burada idilər. Cənab, Nazir! Sizin ədalətli mövqeyiniz və sizin xalqa, insanlara köməyiniz nəticəsində mən buna çox inanıram ki, bizə, kəndimizə dəyən ziyanın sizin tərəfinizdən baxılmasına çox-çox inanıram. Əvvəlcədən sizə öz təşəkkürümü və minnətdarlığımı bildirirəm.

İmza: N.Asifoğlu. 13.09.2017-ci il. Xaçmaz rayon, Qaraçay-Cek kəndi.