Bayramda rayon ərazisində yetişən müxtəlif növ və sort alma məhsulları nümayiş olunacaq.
Oktyabrın 6-da Qubada ənənəvi alma bayramı keçiriləcək.
Bayramda rayon ərazisində yetişən müxtəlif növ və sort alma məhsulları nümayiş olunacaq, alma ilə yanaşı Qubanın tarixini, mədəniyyətini, mətbəxini əks etdirən maddi -mədəniyyət və yemək nümunələri də sərgilənəcək.
Ağ alması ilə məşhur Qubanın rəmzinə çevrilən alma şənliyində yerli qurum, sakinlər və bağbanlarla yanaşı, millət vəkilləri, diplomatik korpus təmsilçiləri, incəsənət nümayəndələri də iştirak edəcək.
Xaçmaz regional mədəniyyət və turizm idarəsindən İstiPress-in şimal bürosuna bildirilib ki, bu, son illər Qubada keçirilən 4-cü alma bayramıdır.

Xəbərdən istifadə edərkən istinad etmək vacibdir.