Aşura günü ilə əlaqədar olaraq ötən gün Azərbaycanın müxtəlif məscidlərində qan vermə aksiyası keçirilib. Sumqayıt CüməMəscidində də analoji aksiya təşkil olunub. Sumqayıt şəhər Səhiyyə şöbəsinin müdir müavini Bərxudar Məmmədov Xeberle.com-a bildirib ki, hər il olduğu kimi dünən də qan vermə ilə bağlı Sumqayıtda insanlar fəal iştirak ediblər: "Dünən həm bizim, həm də Qan Bankının Sumqayıt filialı tərəfindən qan vermə aksiyası təşkil olundu. Qan verməyə gələn insanların qanları əvvəl terapevt, sonra isə laboratoriyada yoxlanılıb. Qanların hansı yararlıdırsa, xəstəliyi yoxdursa onlardan qan götürülüb". B.Məmmədov qeyd edib ki, qan vermək üçün müraciət edənlərin sayı 260 nəfər olub. Onların isə 190 nəfərindən qan götürülüb. Qan verənlər arasında isə daha çox kişilərə rast gəlinib.